Në funeralin e ndërgjegjes

Për autorin

Daim Ilazi, poet dhe diplomat nga Zhelina e Tetovës, studioi arkeologji dhe gjuhë frënge në Zagreb. Dha mësim në Tetovë për më shumë se dy dekada dhe shërbeu si konsull në Bernë e si këshilltar në ambasadën në Paris. Është autor i vëllimit poetik "Lundrim në kohë".

Poezia

Bota ka dalë nga shinat e arsyes,
me do huje si pela pa fré,
qielli pikon helm mbi ndërgjegjen e njerëzimit,
vlerat kryqëzohen në sheshin e të çmendurve
e njeriu normal me shpirtin e amputuar,
shikon fytyrën e vet në pasqyrën e thyer.

Qytetërimi po ha mishin e vet,
e ardhmja lind e vdekur në djepin e fëmijëve,
Dashuria hesht, ndërgjegjja është në arrati,
ndërsa çmenduria sundon fronin e botës.
urrejtja e lufta ngre perandori mbi varre...
botës i kanë prerë damarët e shpresës!